'Mʋa‑ nʋ nyɔ ‑ɔɔ pleea Kea
112
Ao ‑sa Tʋ "bo 'nynɩ.Nyiɔ ‑ɔɔ pleea Tʋ "bo,
‑wɛe ‑ɔɔ ‑jea ɛɛ' kɛ' 'ɛ "dia a, ‑mɔ nʋ 'mʋa‑!
2 Ɔɔ' "nynuu a muɛ dɛ 'ʋn 'wlʋʋa' 'de 'blʋa "kpei.
Kea a muɛ "isrɛʋn 'a "ji "diwan‑ poa'.
3 ‑Mɔɔ' nyɔ tu ɛ,
dɛ ‑wee'‑ a muɔ kwa 'wɔɔn a,
‑wɛe "wliiɛ 'jeɔ i siie‑ 'de ɔ o ‑gbu" ‑sɔn.
Ɔ 'e dɛ 'ble, Kea a muɔ 'wɔan' jeejee.
4 Nyɔ ‑ɔɔ ‑jea ɔ ‑ponyiɔɔ' wɛe,
‑ɔɔ ‑wɔan ɔɔ' 'kmʋ 'mii, ‑wɛe ‑ɔ ‑srɛai" ɛ,
‑bo "bɛɛ kuie ‑mɛ kpʋn mɔ 'de ɛ, ɔɔ' ‑nɩ ‑sɔn ɔ ‑sɩn'.
5 Nyɔ ‑ɔɔ ‑jea nyʋ wɛe 'ʋn, ‑ɔɔ ‑sa 'e nyʋ,
‑ɔɔ nʋʋdɩ ‑wee'‑ ‑teea' "i ɛ, ɔ nʋ 'mʋa‑,
6 dɛ 'ɛ 'koɔ kwa,
ɔɔ' nyɔ tu 'a ‑tɩ' 'a blu 'e nyʋ 'dii.
7 "Kuuan saʋn 'a dɛ 'ɛ wɔɔ 'dii.
Ɔɔ' pɛe 'a plei, ɔ ‑teɛ' Tʋ "bo ‑kwlɩ".
8 Ɔɔ' pɛe kuɛi, dɛjrɛ' se ɔɔ' faʋn 'ble.
Ɔɔ' tʋnyʋ a muɛ ‑gblɔ ‑sɔn sia' se.
9 Ɔ nɩɛ nyiɔ‑ ‑ɔɔ ‑te' nyʋ ‑tɩ' kpʋan' kwa ‑gbɛgbɛ.
Kea a poɔ ‑tɩ' o jeejee,
ɛmɛ ‑tɩ ɔɔ 'wlʋ 'nynɩ ɔ ‑sii nyʋ ‑wee'‑ "jru i.
10 ‑Bo 'diwɔnynii i 'je ‑mɛ ɛ,
ɔɔ nʋɔ "cɛi o, ɔɔ 'kpa 'cɛn,
ɔɔ diiɛ 'nynɩ "i, ‑wɛe ɔ ‑wee'‑ a 'pʋʋn "jɛi.
'Kamɔ dɛsaʋnʋʋ a ‑sa ʋʋa' ‑cɛ" i.